=.=今日去左抽絨毛

1月17號同虫虫度高,虫虫有6.81cm咁高,但係醫生話頸皮好厚,所以要排期抽絨毛睇下係咪有事,今日1月21號同虫虫度多左一次高,有7.28cm咁高,但係頸皮都無乜點薄過=.=,跟住醫生就同超聲波同我度位,睇下邊個位先唔會拮到虫虫,度好位之後,醫生拎左幾支好長既針出黎,我咁大個女最怕就係痛,支麻醉針有成兩吋長,之後抽絨毛支針仲長痴線ka,有成7吋長=.=,醫生打支麻醉個陣,好痛,d藥都未到就拮埋第二支入黎,我即刻問醫生,可唔可以等等先,真係好痛,醫生就答我,一陣就唔痛ka啦,仲有,子宮唔打得麻醉針,有d痛忍一忍就無事=.=,拮入去個肚皮個一下,痛到透唔到氣,之後,到個子宮個一下,又無我想像中咁痛,不過好(淵),呢d都未係最辛苦,反而係d麻醉藥到左10分鐘之後先辛苦,扯住扯住咁,入面又赤,唉~~~~~~~~~~~~~~~~why me?????

今年生日好特別2008年1月19號

今年既生日真係好特別,同之前個d好唔同,一來有虫虫怪獸同我過,二來今年生日係我表姐結婚,我地一家11人上左去高明飲,好開心,本來仲諗住同虫虫怪獸照多一次超聲波ka,點知個到個醫生放假,咁算啦,橫掂第二日返到黎香港都要做多一次檢驗