油好油,裝好燈啦

睇下我盞燈靚唔靚

今日收左樓啦,有好消息,又有壞消息

今日收左樓啦,一收左樓就勁多野做,要抺餐飽既,又有意外收穫,今日去開新屋既信箱,見到一封煤氣公司既信,就係可以用$2680買一部乾衣機再送一部煮食爐,呢個offer正到爆,正當我諗緊係咪真係買既時候,又比我係德褔廣場見到煤氣公司,咁就入去問下,一問點知仲筍,買乾衣機次前,原來煤氣公司會派人上去你屋企做個consultation,比個建議你整個咩架適合你屋企用(連個架都係free),另一樣野,我本來想約埋今日整個電錶,點知上次打去電燈公司佢話full晒booking喎,好咁算啦,頭一次打去個男仔超好人,佢話呢幾日都full同埋岩岩d人收晒工,你試下聽日再打黎睇下可唔可以做後補啦,咁好啦,第二日打去,有個女人聽就一口咬定無時間做,唔肯同我做,咁我心諗,無計啦,唯有等到30號先裝囉=.=點知今日比我見到個電錶師傅同我同一部升降機仲要去我隔離個單位裝錶,嘩~~~~一見到即刻血都嘔埋.......個booking就係隔離都唔比我做埋,又要我遲d先有電用,激死我啦

心情興奮

20號就可以去律師樓拎封收樓信啦,一拎到收樓信就即刻打去新屋管理處到book時候收鎖匙,諗起都興奮呀

日本之旅2

我地去完歌舞伎町之後夜遊新宿


我地既酒店就係喺大久保啦

日本既煙機,表姐話唔知過左幾多點就閂ka啦

勁得意,單車都有stand

日本便利店都有月餅賣

我未見過個棉花棒全黑色ka

入電芯既叉電器

日本都有大陸煙,中南海賣

我既晚餐

比我整到勁樣衰


呢個賣相好好多

指甲戰利品

水蛇春咁長既單


仲有香港好貴既顏料

日本第二日

今日表姐要去人地既婚禮,我地就一齊去搭車,途中見到一間屋同一部車仲有表姐話一定要影既大烏鴉



表姐同我分手之後,之後我就自己一個人係日本周圍行喇(其實就係行返尋日既路線),,我就轉車去下北沢,點知,一話轉車我就出問題啦,鬼咩,又唔識日文,不過有驚無險又去到下北沢喎,點知去到又盪失路啦,出錯左出口,一路行一路行,越行越遠,都係唔好喇.問下人先,見到有個女仔同個外國人一齊,我就行埋去問佢識唔識英文啦,佢話識,咁我就比份地圖佢睇,點知佢拎住份地圖比個外國人睇~~~~~~~~之後佢地話比我知我行錯路(我都知),算啦,都係自己搵啦,原路行返去,去返車站,搵返尋日個個出口,尋得返尋日個個路線,去得返問鋪頭啦,大掃貨呀,買左3萬幾yen,唔知有無得退稅呢,有就好啦,哈哈,之後我仲去左間超市,買我夜晚既晚餐啦

第一日去日本

一早去起身去機場個陣,見到隻狗咬住舊野,望真d~~~~原來係舊粟米心







之後去到機場,不過我地好遲先到,哈哈咁又比我地upgarde左去商務客位喎,咁大個女都未坐過商務位ka,好多野都好新奇,個早餐都high d ka





之後去到日本,又比我地趕得到班火車喎,下~~~~~乜個火車飛都咁貴ka,要3000yen仲要坐一個鐘先到新宿,表姐仲話3000蚊已經係平左啦









之後我地兩個就由新宿車站行行行~~~~~行行行到去酒店啦,好遠ka-.-,鬼死咁重,之後放低d行李,我地就去行街啦,表姐帶左我去我好想去既地方,就係去買指甲料既地方啦,個到叫下北沢,好難去到,途中我地又見到夾公仔個d遊戲機中心喎






因為日本既地鐵站好大,仲有好多間唔同既鐵路公司,好似我咁,第一次黎日本既~~~~~嘩好亂呀~~~卒之去到下北沢啦.好多野賣呀~~~~
再去到間指甲店,d野好靚ka,不過唔比影相,我又唔記得帶咭片去,搞到無得買野,因為日本人好講原則,佢地間公司要証明我係做修甲先可以係佢地公司買野,搞到我要去多次,剩係買到兩本指甲書ja,真係平過香港好多,之後我地買左香港好貴,係日本就唔多貴既野返酒店食喇,咁都只不過係用左1947yen ja

心情緊張

好緊張好緊張呀,星期日就飛啦,好耐都無坐飛機啦,今次仲要去日本,好開心呀,雖然無乜$$,但係,我諗同表姐兩個去,會反轉個日本先返黎,哈哈

攪珠結果

今期居屋搞珠結果,我個no.係揀樓次序第一個,嘩~~~~~~好似中左六合彩咁呀
一萬四千幾份申請,我係第一千五百幾個揀樓,今次總共有三千幾個單位推出
開心死,好快就可以同我兩個仔住啦

yeah

今日問到個同事借左個大大大大袋去旅行,太好啦,咁就可以唔使等行李啦,慳返d時間去多d地方,正

新同事

其實新同事早於9月1號就黎同我一齊返工ka啦,點解今日先講,衰在病囉,病到連部腦都唔想開,講返新同事,佢叫fanny,初初知道有新同事我好擔心ka,又唔知佢好唔好相處啦,又唔知佢會唔會爭野做啦,點知,佢好好人ka,好似佢一聽到我話病,佢就話,你瞓陣啦,我唔so擾你啦,乖啦瞓啦,好似氹小朋友咁,呢幾日無乜野做,佢又幫我換左套gel,好靚ka,fanny真係好啦,^^

病

嘩~~~~~~好耐無試過病到要睇e生啦,不過d人話久唔久病下都係一件好事黎既!!!!

放假

今日放假要幫公司買水晶,咁自己又順手買埋一份,我自己儲儲埋埋有成60款唔同既swarvoski,多到連自己都覺得過份

轉死性

爸爸B尋日轉左死性,竟然肯借~~~~~~~$$比我,佢話借~~~~比你啦,我問佢咁係咪可以唔使還KA?佢話,要還KA,不過得你有$$先還囉,我心諗我個個月都咁窮.. 點還姐,咁即係唔使還~~~哈哈
不過我唔會咁做既~~~~~

可以擁有咁就好啦

前日有個客請我去佢屋企食飯,最衰我無帶相機丫,如果唔係影d相就黎就正啦,佢個view正到爆,抵佢間屋咁貴租,佢屋企面對添馬艦、ifc two仲可以望埋尖沙咀呀,夜晚無野做望住呢個view真係可以望足成晚,簡直係無敵呀

煲劇

好利害,用左兩晚就煲晒11集<14才の母>,有D唔明佢講乜(學人聽原聲,睇字幕),睇睇下,有時又病發(閱讀障礙),睇唔明D字講乜.....但係個故事真係唔錯

信邪?

事緣我岩岩入左紙申請今期既居屋,我個人就好死迷信但係又死唔信邪(即係包拗頸),一入左紙我就走上yahoo個知識個到搵人幫我算命我買唔買到樓啦,有3個人都話我會買到,其中一個就同我講,我會買到但係就小心間屋會招陰,咁我不嬲都唔驚呢d野既,同埋d老人家話d屋掉低好多年無人住就易d招惹呢d野(而+d重售居屋大部份都丟空左7~8年以上),今日我呢個不孝女就約左我好耐無見既老豆出黎飲茶,佢一見到我就問我,
老豆:今期d居屋有無第二區揀呀?
我:有,不過唔方便同唔抵買囉!
老豆:天水圍都唔係幾好..
我:都唔係丫,唔錯呀,有咩唔好先?
老豆:個區好陰=.=(因為佢識人睇風水,同算命)
我:怕咩丫,我唔驚呢d野!!如果我抽得中,你咪叫叔叔幫我睇下間屋囉=.=V
之後佢都無我辦法,唯有唔出聲啦,咁你地話邪唔邪丫

轉數慢左

今日同個同事講起我尋日買返周慧敏本書我的兒子周慧豹好正,點知另外一個同事IMAN走埋黎搭訕,佢講咁咪拎支棍黎打佢囉,咁我就一頭問號,做咩要打佢呀,諗諗下,先知IMAN講乜=.=
你地又估下做咩要拎支棍打佢?答案我會post係意見到

kitty

表姐話呢部kitty notebook要199500yen,好想買呀,等我快d搵多d$$先

偷閒

識我既人都知我做咩工,有少少差池都可能整損人,今日見有少少唔舒服就早走左幾個鐘,打算同爸爸B去行下街,點知去到沙田,佢先話約左人去打邊爐,唉~~~~~~~~我咁大個女,食咩都無乜所以,係最唔鐘意打邊爐,今晚又食唔飽啦

爛瞓

我好慘ka,成日都無覺好瞓,點解,因為我兩仔隻個爸爸B好爛瞓ka,有幾爛瞓,有相為証ka,張床佢瞓左3分2,咁我呢=.=

blog

blog係咪真係要日日寫ka呢,但係我個人咁平凡,日日都係返工放工,又唔去街,邊有咁多野寫呀

的起心肝

結左婚兩個月都黎啦,今日先捨得拎d相去晒,千挑萬選有516張呀,何為千挑萬選呢,就係由1016張相揀出黎既,嘩~~~~~~~~~~~咁多,係呀,嗰日真係影左咁多相ka

失眠

唉~~~~對於一個鐘意瞓覺既人瞓唔著真係好慘,尋晚租左套戲睇,睇完諗住瞓覺,點知就係張床到碌黎碌去,碌到點幾,起身玩電腦玩到3點幾,諗下,都係要瞓啦,唔瞓唔得啦,又瞓返落床,點知又係眼光光,又拎部nds玩我既迷失蔚藍,卒之比我玩到5點幾先覺得眼瞓,天呀~~~~~~~~點解要咁對我呀

算命

唔知你地信唔信算命ka呢,我就好信啦,成日都好想知自己將會發生d咩事,今日有個fd幫我算一算呢個紫微斗數,佢話我會行運行到31歲(虛齡),死啦,我家陣都虛齡27啦(真實細兩年),咁即係話我4年之後就要揸兜啦,好擔心呀,大師,請問有無得轉運呀?

自家貼nds

之前係表姐個blog到出見過ka啦,佢都係影左我部機post左比你地睇,而家正式post比你地睇,自家制,落重本Swarovski NDS

呢幾日掛住玩lost in blue2

呢幾日掛住玩lost in blue 2,食飯又玩,搭地鐵又玩.都唔知係個game玩我,定係我玩個game

我終於開到blog 啦!

我終於開到blog 啦!